അബുദാബി ജുഡീഷ്യൽ ഡിപ്പാർട്ട്‌മെന്റ് (ADJD) ചൊവ്വാഴ്ച പരസ്യമായി ചിത്രങ്ങൾ എടുക്കുന്നതിനുള്ള മാർഗ്ഗനിർദ്ദേശങ്ങൾ പ്രസിദ്ധീകരിച്ചു, ചില പ്രവണതകൾ നിരുപദ്രവകരമാണെന്ന് തോന്നുമെങ്കിലും മറ്റുള്ളവരുടെ സ്വകാര്യതയുടെ ലംഘനമായേക്കുമെന്ന് മുന്നറിയിപ്പ് നൽകി.
ഫോട്ടോഗ്രാഫ് എടുക്കുന്നതിനുള്ള പൊതു മാർഗ്ഗനിർദ്ദേശങ്ങൾ പ്രകാരം, നവ മാധ്യമങ്ങളിലെ അക്കൗണ്ടുകളിലൂടെ, വ്യക്തികളുടെ ഫോട്ടോ എടുക്കുന്നതിനോ ഒത്തുചേരുന്നതിനോ മുൻപ്, അല്ലെങ്കിൽ ഫോട്ടോ എടുക്കുന്നതുമായി ബന്ധപ്പെട്ട് നിയമത്തിലെ വ്യവസ്ഥകൾ വ്യക്തമാക്കിയിട്ടുള്ള നിയമങ്ങളും തത്വങ്ങളും പാലിക്കാൻ ഡിപ്പാർട്ട്‌മെന്റ് സൊസൈറ്റി അംഗങ്ങളോട് ആഹ്വാനം ചെയ്തു. പാർട്ടികളും ഒത്തുചേരലുകളും ഉൾപ്പെടെ പൊതു സ്ഥലങ്ങളിലെ പരിപാടികളും ഇതിൽ പെടുന്നു.
പ്രധാന നിയമങ്ങൾ അറിയുക
- ആളുകളെയോ അവരുടെ കുട്ടികളെയോ ഫോട്ടോ എടുക്കുന്നതിന് മുമ്പ് മുൻകൂർ അനുമതി നേടുക.
- നിങ്ങൾക്ക് ഒരാളെ പരിചയം ഉണ്ട് അല്ലെങ്കിൽ അറിയാം എന്നതിനർത്ഥം അവർ ഫോട്ടോ എടുക്കാൻ സമ്മതിക്കുന്നു എന്നല്ല.
- വിവാഹ ചടങ്ങുകളുടെയും, കുടുംബ ആഘോഷങ്ങളുടെയും സ്വകാര്യതയെ മാനിക്കുക.
- മറ്റുള്ളവരുടെ സ്ഥാവര ജംഗമ വസ്തുക്കളുടെ ഫോട്ടോഗ്രാഫ് ചെയ്യുന്നത് അവർക്ക് നിങ്ങളിലുള്ള വിശ്വാസം നഷ്ടപ്പെടാനുള്ള ഒരു കാരണമാണ്.
- അപകടങ്ങൾ ചിത്രീകരിക്കുന്നത് ഗതാഗത സംവിധാനത്തെ തടസ്സപ്പെടുത്തുകയും മറ്റുള്ളവരുടെ സ്വകാര്യതയിൽ കടന്നു കയറുകയും ചെയ്യുന്നു.
ഒരാളുടെ മുഖം പകർത്തുകയാണെന്ന് അയാൾ അറിയാതെ ഒരു ഫോട്ടോയിലോ വീഡിയോയിലോ അബദ്ധവശാൽ ചിലപ്പോൾ പെട്ടാൽ മേല്പറഞ്ഞ മാർഗ്ഗനിർദ്ദേശങ്ങൾ പ്രധാനമാണ്. യുഎഇയിൽ, ആരുടെയും സമ്മതമില്ലാതെ ഫോട്ടോ എടുക്കാൻ അനുവാദമില്ല, കാരണം അത് അവരുടെ സ്വകാര്യതയുടെ ലംഘനമായി കണക്കാക്കപ്പെടുന്നു. ഇതിനർത്ഥം ഒരാളുടെ അനുവാദമില്ലാതെ ഫോട്ടോ എടുക്കുന്നതിന് നിയമപരമായ പ്രത്യാഘാതങ്ങൾ ഉണ്ടാകാം എന്നാണ്. യുഎഇ പീനൽ കോഡിന്റെ (1987ലെ ഫെഡറൽ നിയമം നമ്പർ 3) ആർട്ടിക്കിൾ 378 പ്രകാരം അനുമതിയില്ലാതെ ചിത്രങ്ങൾ എടുക്കാൻ പാടില്ല.
സ്ഥലങ്ങളുടെ ഫോട്ടോ എടുക്കുന്നത്
വ്യക്തികൾ കൂടാതെ, സ്ഥലങ്ങൾ, കെട്ടിടങ്ങൾ, വിനോദസഞ്ചാര കേന്ദ്രങ്ങൾ എന്നിവയുമായി ബന്ധപ്പെട്ട്, ചില സന്ദർഭങ്ങളിൽ ഫോട്ടോ എടുക്കുന്നതിന് മുമ്പ് ഉന്നത അധികാരികളുടെ മുൻകൂർ അനുമതി ആവശ്യമാണ്. ഫോട്ടോ എടുക്കുന്നതിന് മുമ്പ് അധികാരികൾ അപേക്ഷ അംഗീകരിക്കണം. ഇതുകൂടാതെ, സാംസ്കാരിക ചത്വരങ്ങൾ, ബീച്ചുകൾ, ഫ്രീ സോൺ ഏരിയകൾ തുടങ്ങിയ പൊതു സ്ഥലങ്ങളിൽ ചിത്രമെടുക്കുന്നതിനും നിയന്ത്രണമുണ്ട്.
തന്ത്ര പ്രധാനമായ സ്ഥലങ്ങൾ
തന്ത്ര പ്രധാനമായ കെട്ടിടങ്ങൾ, ഓഫീസുകൾ, സ്ഥലങ്ങൾ, സെക്യൂരിറ്റി സൈറ്റുകൾ എന്നിവിടങ്ങളിൽ വീഡിയോകളും ഫോട്ടോഗ്രാഫുകളും എടുക്കുന്നത് കർശനമായി നിരോധിച്ചിരിക്കുന്നു. അത്തരം സ്ഥലങ്ങളിലെ യാത്രക്കാരുടെയും ജീവനക്കാരുടെയും സുരക്ഷാ കാരണങ്ങളെ അത് ബാധിച്ചേക്കാം. കൂടാതെ, ആരെങ്കിലും നൂതനമായ ഉപകരണങ്ങളുടെയോ മെഷീനുകളുടെയോ ചിത്രങ്ങൾ എടുക്കുകയാണെങ്കിൽ, അവർക്ക് സജ്ജീകരണവും സാങ്കേതികവിദ്യയും ഒരു മൂന്നാം കക്ഷിക്ക് ചോർത്തിക്കൊടുക്കാനാകും, ഇത് നിയമ നടപടികളിൾക്ക് വഴി വെക്കുന്നു. ആരെങ്കിലും അത്തരം പ്രദേശങ്ങളുടെ ഫോട്ടോ എടുക്കാൻ ആഗ്രഹിക്കുന്നുവെങ്കിൽ, അവർ ആവശ്യമായ രേഖകൾ സമർപ്പിക്കുകയും ഔദ്യോഗിക അംഗീകാരത്തിന് ശേഷം മാർഗ്ഗനിർദ്ദേശങ്ങൾ പാലിച്ച് പകർത്തുകയും ആവാം.
നിയമത്തെ പറ്റി ആധികാരികമായി അറിയാനും കൂടുതൽ അറിയാനും ഇവിടെ ക്ലിക്ക് ചെയ്യുക:
വായിക്കാം: പതിയെ വാഹനമോടിച്ചാൽ പിഴ
