ഇന്ത്യ ഗൾഫ് മേഖലയിൽ ഏറ്റവും കൂടുതൽ ബജറ്റ് വിമാനങ്ങൾ പറത്തുന്ന എയർ ഇന്ത്യ എക്സ്പ്രസ്സ് വിമാന കമ്പനി വികസനത്തിന്റെ ഭാഗമായി പുതിയ ക്യാബിൻ ക്രൂ വിന്റെ ഒഴിവുകൾ പ്രഖ്യാപിച്ചു. വനിതകൾക്ക് മാത്രമാണ് അവസരം.
നേരിട്ടുള്ള (Walk-In) ഇന്റർവ്യൂ മാർഗം ആണ് തിരഞ്ഞെടുപ്പ്. ഈ മാസം മൂന്നാം തിയതി ഹരിയാനയിലെ ഗുരുഗ്രാമിൽ വെച്ചാണ് ഇന്റർവ്യൂ.
ഇന്ത്യൻ പാസ്സ്പോർട്ടുള്ള വനിതകൾക്ക് / പെൺകുട്ടികൾക്ക് അപേക്ഷിക്കാം.
അപേക്ഷിക്കാൻ വേണ്ട വിദ്യാഭ്യാസ യോഗ്യത അംഗീകൃത സർവകലാശാല/ വിദ്യാഭ്യാസ സ്ഥാപനത്തിൽ നിന്നുള്ള +2 ആണ്. 157 സെന്റിമീറ്റർ ഉയരം വേണം. ശരീര ഭാര സൂചിക (BMI) 18 നും 22 (രണ്ടും ഉൾപ്പടെ) പരിധിയിൽ ആയിരിക്കണം .
ഇംഗ്ലീഷ്, ഹിന്ദി ഭാഷകൾ നന്നായി സംസാരിക്കാൻ അറിയണം. മറ്റുള്ളവരോട് നന്നായി ഇടപെടാൻ കഴിവും, സ്വന്തം സ്ഥലത്തിനു പുറത്ത് ജോലി ചെയ്യാൻ സന്നദ്ധയും ആയിരിക്കണം.
താല്പര്യം ഉള്ളവർ ഒക്ടോബർ 3 ആം തിയതി രാവിലെ 9 മണിക്ക് ഗുരുഗ്രാമിലെ സെക്ടർ 50 ലുള്ള ഹിൽട്ടൺ ഡബിൾ ട്രീ ഹോട്ടലിൽ എത്തിച്ചേരണം.
